’’عینک والا جن‘‘ کے معروف کردار ’’زکوٹا جن‘‘ انتقال کر گئے

منا لاہوری نے ڈرامہ سیریل ’’عینک والا جن‘‘ سے شہرت حاصل کی تھی . فوٹو : فائل

 لاہور: پاکستان کی تاریخ کے مشہور ڈرامے ’’عینک والا جن‘‘ کےمشہور کردار مطلوب الرحمان المعروف ’’زکوٹا جن‘‘ انتقال کر گئے۔
ڈرامہ سیریل ’’عینک والا جن‘‘سے شہرت حاصل کرنے والے بچوں اور بڑوں کے ہر دلعزیز فنکار مطلوب الرحمان عرف  منالاہوری انتقال کرگئے۔ انہوں نے اپنی زندگی کے 40 سال ٹی وی اور اسٹیج کی خدمت میں گزار دیئے۔
’عینک والا جن‘‘ پاکستان کی تاریخ کا کامیاب ترین ڈرامہ تھا اور اس میں اداکار مطلوب الرحمان نے ’’زکوٹا جن‘‘ کا لازوال کردار ادا کرکے اس کردار کو ہمیشہ کے لئے امر کردیا جو بچوں اور بڑوں کے ذہنوں پر آج بھی نقش ہے اور انکا معروف ڈائیلاگ مجھے کام بتاؤ میں کیا  کروں؟ میں کس کو کھاؤں؟ آج بھی لوگوں میں مقبول ہے۔
یاد رہے ٹی وی اداکار منا لاہوری کو فالج  تھا اور وہ کئی روز سے علیل تھے، وہ شوگر جیسے موذی مرض میں بھی مبتلا تھے، فالج کی بیماری نے ان کے جسم کے دائیں حصے کو کمزور کردیا تھا جس کی وجہ سے وہ کوئی کام نہیں کرسکتے تھے جس سے ان کے گھریلو حالات انتہائی خراب ہوگئے تھے۔
Share on Google Plus

رابطہ کریں:

ہمارا کوئی بھی دوست ہم سے کمنٹ کے ذریعے بھی رابطہ کر سکتا ہے۔ہم اپنی پہلی ہی فرصت میں آپ کے سوالات کا جواب دیں گے۔
ایک تبصرہ شائع کریں