نوزائیدہ بچے کے پیٹ میں جڑواں بچوں کی موجودگی سے ڈاکٹر حیران


اب تک دنیا میں اس طرح کی صرف 100 کیسز دیکھنے میں آئے ہیں، ماہرین۔ فوٹو: ہندوستان ٹائمز

 ممبئی: بھارت میں نوزائیدہ بچے کے پیٹ میں جڑواں بچوں کی موجودگی نے طبی ماہرین کو بھی حیران کرکے رکھ دیا ہے۔
ممبئی کے قریب ایک اسپتال میں گزشتہ دنوں 19 سالہ خاتون نے بچے کو جنم دیا تاہم ڈاکٹرز یہ جان کر حیران رہ گئے کہ اس بچے کے پیٹ میں بھی جڑواں بچے پرورش پا رہے ہیں اور اس کا خون استعمال کر رہے ہیں جس کی وجہ سے بچے کی زندگی کو شدید خطرات لاحق ہو گئے تھے۔
ریڈیولوجسٹ کا کہنا ہے کہ جب بچہ پیدا نہیں ہوا تھا تو ماں کے الٹراساؤنڈ میں انہیں بچے کے اندر غیر معمولی شے کی موجودگی کا علم ہوا تھا تاہم پیدائش کے بعد جب بچے کا الٹراساؤنڈ کیا گیا تو معلوم ہوا کہ اس کے معدے کے پیچھے جڑواں بچے پرورش پا رہے ہیں جن کے دماغ، ہاتھ اور پاؤں وغیرہ بھی تیار ہو چکے ہیں اور ان کا وزن 150 گرام تک پہنچ چکا تھا۔
بعد ازاں ماہر ڈاکٹرز کی ایک ٹیم نے اس کیس پر کام کیا اور آپریشن کرکے ان غیر مولود بچوں کو نکال دیا۔ ڈاکٹرز کا کہنا ہے کہ یہ میڈیکل کنڈیشن شاذ و نادر ہی دیکھنے میں آتی ہے اور اب تک دنیا میں اس طرح کی صرف 100 کیسز دیکھنے میں آئے ہیں۔
Share on Google Plus

رابطہ کریں:

ہمارا کوئی بھی دوست ہم سے کمنٹ کے ذریعے بھی رابطہ کر سکتا ہے۔ہم اپنی پہلی ہی فرصت میں آپ کے سوالات کا جواب دیں گے۔
ایک تبصرہ شائع کریں