ریسٹورنٹ ملازمہ سے بدتمیزی کرنیوالے شہری کی دھلائی، ویڈیو

معمولی بات پر تلخ کلامی اور بحث وتکرار کے بعد بات لڑائی، جھگڑے تک پہنچ جاتی ہے، ایسے واقعات میں جانی و مالی نقصان کا خمیازہ بھی بھگتنا پڑتا ہے، ایک ایسی ویڈیو وائرل ہوئی جس میں شہری نے ریسٹورنٹ ملازمہ سے بدتمیزی کی جو اس کو خوب مہنگی پڑی۔ سوشل میڈیا کے مختلف پلیٹ فارمز پر ایک ویڈیو تیزی سے وائرل ہورہی ہے، پنجاب کے ضلع شیخوپورہ میں پیش آنے والے واقعہ کی ویڈیو دیکھ کر صارفین بھی خاموش نہ رہے، نجی ریسٹورنٹ کے،ایف،سی میں گاہکوں کا ہجوم لگا ہوا ہے جبکہ ملازمین بھی موجود ہیں، ایک کاؤنٹر پر خاتون ملازمہ لڑکے سے خریدی گئی اشیاء کے بارے پوچھ کر لیپ ٹاپ میں بل بنارہی تھی کہ اسی دوران ایک شہری آرڈر میں تاخیر ہونے پر غصے میں آیا اور لیپ ٹاپ کو ہاتھ مار کر گرا دیا جبکہ خاتون ملازمہ کو بھی دھکا دیا۔ وہاں موجود ملازمین سے غصے میں کچھ بات چیت کی جبکہ شہری کی اس حرکت پر دیگر گاہک بھی ان معاملے کی طرف متوجہ ہوگئے، بعد ازاں کے،ایف،سی کے ملازمین نے شہری کی ساری ہوا نکال دی، خوب دھلائی کی، ریسٹورنٹ میدان جنگ میں تبدیل ہوگیا۔  View this post on Instagram A post shared by Pakistan Digital News (@pakistandigitalnews)