بوہے باریاں ۔۔۔۔ چینی ٹیچر کا پنجابی گانا سوشل میڈیا پر وائرل

پاکستانی سوشل میڈیا پر اس وقت ایک چینی خاتون کی ویڈیو وائرل ہے جو ایک پاکستانی گانا گاتے ہوئے دکھائی دے رہی ہیں۔ سوشل میڈیا پر وائرل ہونے والا یہ گانا دراصل پاکستانی گلوکارہ حدیقہ کیانی کا ہے جو چین کے دارالحکومت بیجنگ میں ایک چینی ٹیچر نے ’پاکستان فوڈ اینڈ کلچر فیسٹول‘ کے دوران گایا ہے۔ یہ فیسٹیول چین میں پاکستانی سفارت خانے نے پاکستان کے یوم آزادی کے موقع پر منعقد کروایا تھا۔ سوشل میڈیا صارفین کو اس گانے نے اس لیے بھی حیران کیا کیوں کہ حدیقہ کیانی کا گانا ’بُوہے باریاں‘ ایک پنجابی گانا ہے جو کہ چینی خاتون نے بہت خوبصورت تلفظ کے ساتھ گایا۔ سوشل میڈیا صارفین چین میں پاکستانی سفارت خانے اور چینی گلوکارہ وکی کو سراہ رہے ہیں۔ Pakistan Embassy College Beijing music teacher Ms. Vicky performing the iconic song ‘Buhe Bariyan’ of @Hadiqa_Kiani at the Pakistan Food and Cultural Festival organized by Embassy to mark 75th Independence of Pakistan at Silk Road International Arts Centre.@PkPublicDiplo pic.twitter.com/hnWOY3xLlM — Moin ul Haque (@PakAmbChina) August 17, 2022 محمد اعظم خان نامی صارف نے لکھا ’ویل ڈن معین صاحب اور مس وکی! پاکستان کلچر کو فروغ کرنے کی کوششوں کے لیے۔ پاکستان چین دوستی زندہ باد۔‘ ڈاکٹر سالک نامی صارف کہتے ہیں کہ ’بیجنگ میں میرے 12 سالوں میں پاکستانی سفارتخانے کی ٹیم نے یوم آزادی پر بہترین کام کیا ہے۔‘