سیاست نے بیڑا غرق کردیا، کسی زمانے میں خوبصورت تھی، زرتاج گل

سابق وفاقی وزیر برائے ماحولیاتی تبدیلی اور پاکستان تحریک انصاف (پی ٹی آئی) کی رہنما زرتاج گل کا کہنا ہے کہ ماضی مین ان کے شوہر بہت ہینڈسم تھے اور وہ بھی کسی زمانے میں بہت خوبصورت ہوتی تھیں مگر اب سیاست نے ان کا بیڑا غرق کردیا۔ نجی ٹی وی ’جی این این‘ کی جانب سے زرتاج گل کے پرانے انٹرویو کی ویڈیو حال ہی میں اپنے سوشل میڈیا اکاؤنٹس پر شیئر کی گئی، جس میں انہوں نے کھل کر سیاسی زندگی سمیت اپنے فیشن اور خوبصورتی پر بات کی۔ دوران انٹرویو انہوں نے بتایا کہ ماضی میں اگرچہ ان کے علاقے ڈیرہ غازی خان (ڈی آئی خان) سے ملک کے صدر اور وزیر اعظم بھی بنے مگر ان کے علاقے کی حالت اس لیے تبدیل نہیں ہوئی، کیوں کہ ان سب لوگوں کا مقصد اپنی زندگی بہتر بنانا تھا۔ انہوں نے بات کو جاری رکھتے ہوئے کہا کہ ان کے شوہر نے کبھی کھل کر ان کی تعریفیں نہیں کیں جب ان کی نئی نئی شادی وئی تھی تب انہیں شوہر کی تعریفوں کا انتظار رہتا تھا مگر انہوں نے کبھی ان کی تعریفیں نہیں کیں۔  ڈیرہ غازی خان نے ثابت کیا ہے کہ یہ تحریک انصاف کا قلعہ ہے۔ الحمدللہ میں مطمئن ہوں کہ میں نے پارٹی کا پیغام گھر گھر پہنچایا اور اس کا عملی مظاہرہ کیا، عوامی سیاست کر رہی ہوں۔ لوگوں کی خدمت کرنا ہی ہماری تحریک کی سیاست کا محور ہے۔#بلا_چلاؤ_ملک_بچاؤ pic.twitter.com/5DxzejKMGb — Zartaj Gul Wazir (@zartajgulwazir) July 16, 2022