موٹروے زیادتی کیس: ملزم شفقت نے اعتراف جرم کرلیا

لاہور : خاتون زیادتی کیس میں گرفتار شفقت کی تفصیلات سامنے آ گئیں ، شفقت ضلع بہاولنگر تحصیل ہارون آباد کا رہائشی ہے اور اس کی عمر 23 سال ہے۔ ملزم شفقت نے اعتراف کیا ہے کہ واقعے کا مرکزی ملزم عابد جرائم میں میرا ساتھی ہے۔ملزم شفقت کے مطابق واردات کی رات وہ ملزم عابد کے ساتھ تھا ملزم شفقت نے اعتراف جرم کرتے ہوئے کہا کہ وہ ملزم عابد کے ساتھ ملکر وارداتیں کرتا ہے اور موٹروے پر واردات کی رات بھی وہ عابد کے ساتھ تھا۔ ملزم شفقت نے کہا کہ ہم نے پہلے گاڑی کے شیشے توڑے پھر ڈکیتی کی اور خاتون کو زیادتی کا نشانہ بنایا۔ ذرائع کے مطابق 23 سال کے شفقت کو گزشتہ رات دیپالپور میں چھاپہ مار کرگرفتار کیا گیا تھا، شفقت کی نشاندہی پولیس حراست میں موجود وقارالحسن نے کی تھی۔ وقار الحسن نے پولیس کو بتایا کہ ملزم عابد کے ساتھ آج کل شفقت نامی شخص وارداتیں کررہا ہے جو بہاولنگر کی تحصیل ہارون آباد کا رہائشی ہے۔ پولیس ذرائع کے مطابق ملزم شفقت نے اعتراف جرم کرلیا اور کہا کہ واقعےکامرکزی ملزم عابد جرائم میں میرا ساتھی ہے جبکہ پولیس کا کہنا ہے کہ ملزم شفقت کےڈی این اے رپورٹ کے بعد حتمی فیصلہ ہوگا۔ سی آئی اے ٹیم ملزم شفقت کودیپالپور سے لیکرلاہورپہنچ گئی، پولیس کا کہنا ہے کہ ملزم شفقت سابقہ ریکارڈ یافتہ بھی ہے اور اس کو دیپالپور سے گرفتارکیا گیا، شفقت علی اور اس کا خاندان پہلے بھی جرائم میں ملوث رہا ہے۔ ابتدائی تفتیش کے مطابق ملزم شفقت نے عابد کیساتھ ملکر11وارداتیں کیں جبکہ ملزم شفقت اور عابد پنجاب میں مختلف گینگزکیساتھ منسلک ہیں۔ پولیس ذرائع کے مطابق ملزم شفقت کا ڈی این اے ٹیسٹ کرایا گیا جو میچ کرگیا۔ دوسری جانب پولیس نے سی ڈی آرکی مددسے شفقت کے والد اللہ دتہ کو بھی گرفتار کر لیا ہے ، اللہ دتہ کےبیٹےشفقت کو بھی گزشتہ رات سی ٹی ڈی نےگرفتار کیا۔ پولیس کے مطابق موبائل سم اللہ دتہ کے نام پرہے جو بیٹا استعمال کررہاتھا۔ واضح رہے کہ اس سے قبل کیس کے ملزم وقارکے برادرنسبتی عباس نے بھی شیخوپورہ میں پولیس کو گرفتاری دی تھی ، عباس نے ویڈیو بیان میں جرم ماننے سے انکار کرتے ہوئے کہا تھا کہ میں بے گناہ ہوں،خودکوپولیس کےسامنےپیش کر رہا ہے،امیدہے پولیس ناجائزنہیں کرے گی۔