, ٖ مفت لسی نہ پلانے پر پولیس اہلکاروں کی دکان میں تھوڑپھوڑ ، ویڈیووائرل ڈیلی اردو


کراچی کے علاقے سعودآباد میں پولیس کی غنڈہ گردی کا واقعہ سامنے آگیا، دودھ کی دکان پر مفت میں لسی اور دودھ کی بوتلیں نہ دینے پر پولیس اہلکار نے آپے سے باہر ہوئے اورکرسیوں کو لاتیں ماریں اور ایک شخص کو اپنے ساتھ لے گئے۔


فوٹیج میں ملیر سعود آباد تھانے کے اہلکاروں کو آر سی ڈی گراؤنڈ کے قریب قائم ملک شاپ میں توڑ پھوڑ کرتے دیکھا جا سکتا ہے، اہلکاروں نے کرسیوں کو لات مار ی اور دکان دار پر تشدد بھی کیا۔


اس ویڈیو میں ایک اہلکار کو فریزر سے دودھ کی بوتلیں نکال کر لے جاتے ہوئے بھی دیکھا جا سکتا ہے۔


دکان کے مالک محمد عرفان کے مطابق پولیس اہلکار روزانہ مفت میں لسی پیتے ہیں، کل لسی ختم ہونے پر انہیں منع کیا تو انہوں نے دکان میں گھس کر تشدد کیا اور دودھ کی بوتلیں نکال کر لے گئے ساتھ میرے بھائی کو بھی حراست میں لینے کی کوشش کی ہے۔


واقعے پر دکاندار نے کراچی پولیس چیف کو واٹس ایپ کے ذریعے درخواست بھیج دی،متاثرہ دکاندار کا مطالبہ  ہے کہ بدتمیزی اور تشدد کرنے والے اہلکاروں کے خلاف فوری کارروائی عمل میں لائی جائے۔

 
ڈیلی اردو © 2007-2023. All Rights Reserved. Powered by Blogger
Top